Teater

Teater hat altyd myn interesse hân en dat bliuwt. Nei alle foarstellings foar en mei bern, bin ik in pear jier lyn begûn mei de tarieding foar muzykfoarstelling 'De Koffer'. In nije foarstelling mar dan foar folwoeksenen.

De Koffer. Wat foar talinten, dreamen en ferwachtings sitte deryn? En wat litst dêrfan oan de bûtenwrâld sjen?

De Koffer is in waarm en humorfol ferhaal oer passy. We sjogge in mearkeswrâld en ek de wrakseling mei de ûnwissens fan prestaasje en ferwachtings. En de ynfloed fan de omjouwing. It giet wat oars as ferwachte. Is it slim ast net hielendal it bêste út dysels hellest? De Koffer is in Frysktalige foarstelling wêryn klassike muzyk, ballet en toaniel in ienheid fan byldzjend muzykteater wurden binne. Mei prachtige dûns op hearlik tagonklike klassike muzyk sa as de Mondscheinsonate fan Beethoven en de Notenkraker fan Tchaikovsky.

Tegearre mei Jan Arendz, Frans Douwe Slot en Famke Anne van der Mark ha ik De Koffer yn desimber 2024 en jannewaris 2025 rûnom yn Fryslân spile:

- 7 desimber 2024 Treemter Balk 

- 8 desimber 2024 Theater Snits, premjêre

- 14 desimber 2024 De Nije Skalm Stiens

- 15 desimber 2024 Theaterker Nes

- 20 desimber 2024 De Koornbeurs Frjentsjer

- 21 desimber 2024 Witte Kerk Himrik

- 28 desimber 2024 De Wjukken Mantgum

- 29 desimber 2024 Groate Kerk Sint Jabik

- 3 jannewaris 2025 Podium Papageno Lemmer

- 4 jannewaris 2025 Posthuis Theater It Hearrenfean

Mear ynformaasje is te finen op www.samar.frl.

Om ien en oar organisatorysk mooglik te meitsjen, bin ik sûnt 2022 artistyk lieder fan de Stichting Samar.